Marathi Ukhane For Females

जन्म दिला मातेने, पालन केले पित्याने ***** चे नाव घेते पत्नी या नात्याने.

अत्रावळ पत्रावळ, पत्रावळीवर होती वांग्याची फोड ***** हसतात गोड, पण डोळे वटारायची भारीच खोड.

नाव घ्या नाव घ्या हा काय कायदा ***** रावांच नाव मी घेईल तुमचा काय फायदा.

डाळिंब ठेवले फोडून, संत्र्याची काढली साल *****रावांच्या नावाने कुंकु लावते लाल.

सुशिक्षित घराण्यात जन्मले, कुलवंत घराण्यात आले ***** रावाचे नाव घेऊन मी सौभाग्यवति झाले.

सुखाच्या पायर्‍या चढताना नाही दुःखाचा लवलेश ***** च नाव घेऊन करते गृहप्रवेश.

हिरव्या शालुला जरीचे काठ ***** चे नाव घेते प्लीज सोडा माझी वाट.

महादेवाच्या पिंडीवर बटाट्याची फोड ***** रावांना डोळे मारण्याची लई खोड.

श्रावणात येई, पावसाला जोर ***** राव भेटायला लागते, भाग्य खूपच थोर.

पैठणीवर शोभते, नाजूक मोरांची जोडी *****रावांमुळे आली, आयुष्याला गोडी.

चंदेरी सागरात, रुपेरी लाटा *****रांवाच्या सुखदुःखात अर्धा माझा वाटा.

महादेवाच्या पिंडीला बेल घालते वाकुन ***** नाव घेते सर्वांच मान राखुन.

नाव घ्या नाव घ्या नावाची काय बिशाद ***** राव तर आहेत माझ्या डाव्या खिशात.

कलीयुगात घडलाय यांच्या रुपाने चमत्कार ***** रावांचे नाव घेऊन सर्वांना करते नमस्कार !

रेशमाचा सदरा त्याला प्लास्टिकचे बक्कल ***** राव एवढे हॅडसम पण डोक्यावर टक्कल.

मंद वाहे वारा, संथ चाले होडी, परमेश्वर सुखी ठेवो ***** ची जोडी.

वय झाले लग्नाचे लागली प्रेमाची चाहूल ***** रावांचे जीवनात टाकले मी पाऊल.

मंथरेमूळे घडले रामायण ***** चे नाव घेते आज आहे सत्यनारायण.

गळ्यात मंगळसूत्र, मंगळसूत्रात डोरलं ***** रावांचे नाव माझ्या हृदयात कोरलं.

हंड्यावर हंडे सात त्यावर ठेवली परात ***** बसले दारात मी जाऊ कशी घरात.

बारीक मणी घरभर पसरले ***** साठी माहेर विसरले.